Започна дводневниот младински фудбалски турнир во Бардовци

Во рамки на манифестацијата „Карпошово културно лето 2026“, претпладнево на фудбалските терени на ФК „Лепенец“ во Бардовци започна дводневен младински фудбалски турнир.

— реклама —

На турнирот учествуваат 32 екипи, поделени во две генерации – 2016 и 2017 година, со по 16 екипи во секоја категорија. Целта на спортскиот настан е промоција на спортските вредности, фер-плејот, другарството и здравиот развој на најмладите преку спортот.

На турнирот присуствуваше и градоначалникот на Општина Карпош, Сотир Лукровски, кој истакна дека спортот им овозможува на младите да го развиваат својот потенцијал, но и да стекнуваат дисциплина, одговорност и здрави животни вредности.

— реклама —

Како знак на благодарност за поддршката на развојот и промоцијата на спортот, претседателот на ФК „Лепенец“, м-р Игор Божиновски, му врачи благодарница на градоначалникот Лукровски.

— реклама —

Општина Карпош е покровител на спортскиот настан, а од локалната самоуправа најавуваат дека и во иднина ќе продолжат со поддршка на спортските настани, младите спортски таленти и турнирите.

Градоначалникот Лукровски денеска го посети и храмот „Св. Троица“ во Бардовци, каде вечерва ќе се одржи последната вечер од „Карпошово културно лето 2026“.

— реклама —

Во дворот на црквата најпрво ќе настапи фолклорниот ансамбл „Етнос“, по што следува музичка програма со фолк-пејачите Душко Георгиевски, Миле Кузмановски и Зуица Лазова.