Започна најсветата, Страдална недела

Последната недела пред најголемиот христијански празник Велигден е позната како Страдална или Страстна седмица и е посветена на споменот на последните денови од земниот живот на Исус Христос, неговите страдања, смртта и погребението.

— реклама —

Оваа недела се нарекува и Велика седмица поради значењето на настаните кои се случиле во неа. Светата Црква го објаснува значењето на овие денови:

— реклама —

„Во таа седмица е пресудена древната тиранија на ѓаволот, победена е смртта, врзан е силниот (ѓаволот) и уништено неговото оружје, искупен е гревот, симната е клетвата и рајот е отворен. Тогаш небото престанало да биде недостапно. Луѓето се зближиле со ангелите. Оттргната е преградата што ги разделувала луѓето од Бога. Границите се избришани. Бог на мирот ги измирил небесното и земното“.

— реклама —

Традицијата налага во овој период христијаните да ги зголемат молитвите и постот, практикувајќи дела на милосрдие и љубов. Низ историјата, во овие денови се прекинувале сите судски спорови и обвиненија, а во духот на простувањето се ослободувале и затвореници кои немале направено големи престапи.

Во однос на исхраната, црковните правила предвидуваат строг пост.