Заталкан куршум оштетил патничко возило на подрачјето на скопската населба Ѓорче Петров, информира Министерството за внатрешни работи.
Според МВР, на 8 јули во 07:35 часот во СВР Скопје, В.Ќ.К. (42) од Скопје пријавила дека на кровниот панорамски прозорец од нејзиното возило „цитроен“ со скопски регистарски ознаки забележала оштетување предизвикано од заталкано зрно од огнено оружје.
Од полицијата соопштија дека се преземаат мерки за расчистување на случајот и утврдување на околностите под кои дошло до инцидентот.
