Тепачка меѓу затвореници се случила во Казнено-поправната установа Затвор Идризово, при што едно лице е повредено со остар предмет.
Како што информира МВР, настанот бил пријавен на 1 април околу 13 часот во СВР Скопје, а инцидентот се случил околу 12:40 часот за време на редовната прошетка.
Во пресметката учествувале осудениците Е.А.(32) и Ш.И.(35), од една страна, и С.М.(26) од друга страна, при што тие си размениле удари со тврди предмети.
Потоа, Е.А. со остар предмет му нанел повреда на С.М., кој првично добил медицинска помош во амбулантното одделение во установата, по што бил пренесен во Комплексот клиники „Мајка Тереза“.
Од МВР велат дека се преземаат мерки за расчистување на случајот.
