Заврши повеќедневната потрага на Триглав: Пронајден мртов младиот планинар од Србија

По повеќедневна потрага во словенечките Алпи, на подрачјето на планината Триглав е пронајден мртов 19-годишен планинар од Србија. Словенечката горска спасувачка служба ја потврди трагичната вест и изрази сочувство до неговото семејство и блиските.

— реклама —

Младиот планинар се заглавил во неделата, 1 ноември, во вечерните часови, на подрачјето на Племенице, поради густата магла, силниот ветер и темнината.

— реклама —

Во потрагата учествувале спасувачки екипи од Бовец и Мојстрана, кои на 2 ноември пронашле дел од неговите лични предмети. Акцијата продолжила и во наредните денови, а била вклучена и хеликоптерска екипа од Брник, со хеликоптери на словенечката војска и полиција.

Спасувањето се одвивало на исклучително тежок терен и во многу неповолни временски услови, со снег, мраз, дожд, ветер и магла. По повеќедневните напори, потрагата завршила со трагичен исход.

— реклама —

— реклама —