Зел аванс од 21.000 евра за изградба на куќа и испраќал фотографии од наводни градежни работи, па прекинал да одговара на повици

Наместо изградба на куќа, 35-годишен жител на гостиварско село останал без 21.000 евра, кои во неколку наврати ги исплатил како аванс на лице со кое претходно склучил писмени договори за изведување на градежните работи.

— реклама —

Случајот бил пријавен на 13 октомври 2026 година, во 19:45 часот, во ОВР Гостивар. Според пријавата, оштетениот претходно стапил во контакт со лицето С.С. преку социјална мрежа, по што се договориле за изградба на куќа.

— реклама —

— реклама —

Пријавителот навел дека лицето го довело во заблуда испраќајќи му фотографии од наводни градежни активности. По извесен период, С.С. престанал да одговара на телефонските повици, а договорените работи не биле извршени.

Од Министерството за внатрешни работи информираат дека се преземаат мерки за расчистување на случајот.