Зеленски го назначи Умеров за шеф на украинската надворешна разузнавачка служба

Украинскиот претседател Володимир Зеленски го назначи Рустем Умеров за директор на Надворешната разузнавачка служба на Украина, пренесуваат украинските медиуми, повикувајќи се на извори од политичките кругови.

— реклама —

Според информациите, Зеленски му понудил на досегашниот министер за внатрешни работи, Игор Клименко, да ја преземе функцијата секретар на Советот за национална безбедност и одбрана.

Умеров, кој претходно беше министер за одбрана, во изминатиот период како секретар на Советот учествуваше и во преговорите меѓу Украина, Русија и Соединетите Американски Држави.

— реклама —

Зеленски уште на 24 јули најави промени во организацијата на Советот за национална безбедност и одбрана, како и нови принципи на неговото функционирање.

— реклама —

Според претседателот, Умеров во новата функција ќе биде задолжен за координација на разговорите со меѓународните партнери, зајакнување на безбедносната соработка и развој на врските меѓу украинските разузнавачки служби и нивните странски партнери. Тој ќе работи и на реализација на програмите поврзани со беспилотните летала, како и на развојот на украинскиот противбалистички систем „Фреј“.

Во меѓувреме, Клименко ќе биде насочен кон координација на внатрешната безбедност, подобрување на соработката меѓу безбедносните и одбранбените институции, како и кон справување со сајбер-заканите и криминалните мрежи поврзани со Русија.

— реклама —

Зеленски најави дека указите за овие кадровски промени ќе бидат потпишани следната недела, по завршувањето на состаноците во Соединетите Американски Држави.