Зеленски откри што го забавува мировниот процес со Москва

Претседателот на Украина, Володимир Зеленски, изјави дека мировните преговори со Русија се забавени, при што како главна причина ја посочи ескалацијата на конфликтите на Блискиот Исток, вклучително и тензиите меѓу Израел и Иран.

— реклама —

Во интервју за Блумберг, Зеленски рече дека Киев нема нови информации ниту од Москва ниту од Вашингтон за продолжување на разговорите, кои беа прекинати по последната рунда во Женева.

— реклама —

Тој нагласи дека развојот на ситуацијата околу Иран може директно да влијае врз динамиката на мировните разговори, додавајќи дека сè зависи од понатамошниот тек на настаните во регионот.

Зеленски ги повика САД и Европа да ги задржат санкциите против Русија, предупредувајќи дека евентуално нивно ублажување, особено во однос на пристапот до системот SWIFT, претставува сериозен ризик за Украина.

— реклама —

Воедно, тој изјави дека нема добиено никакви конкретни предлози за примирје околу 9 мај, кога Русија го одбележува Денот на победата, оценувајќи дека евентуално краткорочно примирје би можело да биде искористено за тактички цели.

— реклама —

Украинскиот претседател потенцира дека Киев е подготвен да поддржи вистински иницијативи за прекин на огнот, особено оние што придонесуваат за заштита на цивилите и размена на заробеници.