Зеленски: Русија подготвува нов масовен напад врз Украина

Украинскиот претседател Володимир Зеленски предупреди дека Русија подготвува нов масовен напад, повикувајќи се на разузнавачки информации со кои располага украинската страна.

— реклама —

По состанокот со министерот за надворешни работи, Зеленски изјави дека е важно меѓународните партнери на Украина да бидат целосно информирани за актуелната состојба.

— реклама —

„Важно е сите наши партнери да знаат што се случува и дека Русија и понатаму се потпира на проектили и продолжување на војната, а не на дипломатски чекори“, изјави украинскиот претседател.

Тој оцени дека ваквиот развој на настаните покажува оти е неопходно дополнително зајакнување на притисокот врз Москва преку нови санкции.

— реклама —

„Тоа значи дека е потребен дополнителен притисок со санкции врз Русија и дека спроведувањето на нашите договори за противвоздушна одбрана со партнерите не смее да се одложува“, додаде Зеленски.

— реклама —

Изјавата доаѓа во време на засилени борбени дејствија и меѓусебни напади меѓу Украина и Русија, додека Киев продолжува да бара поголема воена и безбедносна поддршка од западните сојузници.