Зеленски: Се откажавме од нуклеарното оружје, а не добивме ништо

Украина направи „голема грешка“ со откажувањето од нуклеарното оружје, изјави Володимир Зеленски, оценувајќи дека за возврат не добила вистински безбедносни гаранции, иако тоа бил клучниот услов.

— реклама —

Во интервју за подкастот „The Rest Is Politics“, Зеленски посочи дека членството во НАТО било минимумот што Украина требало да го добие за откажувањето од нуклеарниот арсенал. Наместо тоа, како што рече, земјата не добила ништо, оценувајќи дека договорот бил неправеден и стратешка грешка.

— реклама —

Тој нагласи дека одговорноста не е само на Украина, туку и на другите потписнички на Будимпештанскиот меморандум, потсетувајќи дека станува збор за нуклеарни сили кои, според него, требало да обезбедат вистински „безбедносен чадор“.

— реклама —

Зеленски додаде дека најголемиот дел од украинското нуклеарно оружје бил префрлен во Русија, оценувајќи дека целиот процес на разоружување на крајот бил „обмана“.

— реклама —

Меморандумот за безбедносни гаранции беше потпишан на 5 декември 1994 година во Будимпешта од страна на Украина, Русија, Обединетото Кралство и САД, во рамки на процесот на пристапување на Украина кон Договорот за неширење на нуклеарно оружје.