Железничкото поврзување и превозниците во фокус на средбата Николоски–Бутковиќ

Во рамки на официјалната посета на владата на Хрватска, денеска во Охрид се одржа работна средба меѓу вицепремиерот и министер за транспорт Александар Николоски и заменик-претседателот на хрватската влада и министер за поморски работи, транспорт и инфраструктура Олег Бутковиќ.

— реклама —

Како што соопшти Министерство за транспорт, на средбата се разговарало за развојот на транспортниот сообраќај во регионот, можностите за продлабочување на соработката во железничкиот сектор, како и за зајакнување на економската соработка меѓу двете земји.

— реклама —

— реклама —

Николоски се заблагодарил за поддршката што Хрватска ја дала во решавањето на проблемите со превозниците и професионалните возачи, како и за измените на хрватскиот Закон за работни визи, кои, според него, се од големо значење за македонските превозници.

На билатералната средба биле разгледани и можностите за засилување на економската активност и унапредување на соработката меѓу Македонија и Хрватска во повеќе области поврзани со транспортот и инфраструктурата.