Земјотрес од 3,7 степени во Хрватска

Земјотрес со јачина од 3,7 степени според Рихтеровата скала утрово ја погоди Хрватска, соопшти хрватската сеизмолошка служба.

— реклама —

Епицентарот бил на околу осум километри од Петриња, а потресот е регистриран во 9:51 часот.

— реклама —

„Денес, на 27 мај 2026 година, во 9:51 часот, сеизмографите на Сеизмолошката служба регистрираа умерен земјотрес со епицентар на 8 километри од Петриња. Магнитудата изнесуваше 3,7 степени според Рихтеровата скала, а интензитетот во епицентарот е проценет на V степен според EMS скалата“, соопштија сеизмолозите.

Потресот бил почувствуван во Сисак и поширокиот регион, а тресењето на тлото било забележано и во Загреб и околните населби.

— реклама —

Граѓани на Европско-медитеранскиот сеизмолошки центар објавија дека почувствувале „силен удар и долго тресење“.

— реклама —

Засега нема информации за евентуална материјална штета или повредени лица.