Земјотрес од 4.7 степени во Грција, почувствуван во Битола

Земјотрес кој денеска се случи во Грција ја стресе и Битола.

Потрес со јачина од 4.7 степени според Рихтеровата скала е регистриран во соседна Грција, а истиот го почувствувале и во јужните делови на Македонија, особено во пограничните региони.

— реклама —

Според податоците од Европско-медитеранскиот сеизмолошки центар (ЕМСЦ), епицентарот на земјотресот бил лоциран на неколку километри од македонско-грчката граница, во близина на регионот на Лерин (Флорина), на длабочина од околу 10 километри.

— реклама —

Телеметриската мрежа на Сеизмолошката опсерваторија при Природно-математичкиот факултет во Скопје го регистрираше потресот. Според првичните информации, земјотресот е почувствуван од граѓаните во:

Битола и околината (со интензитет од IV степени според Европската макросеизмичка скала – ЕМС-98)

— реклама —

Гевгелија и Валандово (со интензитет од III-IV степени)

— реклама —

Охрид, Струга и Ресен (со интензитет од III степени)

Граѓаните од Битола јавуваат дека потресот траел неколку секунди и предизвикал вознемиреност, особено кај жителите на повисоките катови во станбените згради.