Земјотрес од 5,5 степени регистриран кај грчкиот остров Карпатос

Земјотрес со јачина од 5,5 степени по Рихтеровата скала денеска беше регистриран во островската група Додеканези во Грција, со епицентар на околу 26 километри од островот Карпатос.

— реклама —

Според податоците на Европско-медитеранскиот сеизмолошки центар, потресот се случил во 13:06 часот, а неговиот хипоцентар бил на длабочина од околу 17 километри.

— реклама —

— реклама —

Епицентарот е лоциран на географските координати 35,4168 степени северна географска ширина и 27,3066 степени источна географска должина.

— реклама —

Засега нема информации за материјална штета или повредени лица. Надлежните служби ја следат состојбата, а не се соопштени предупредувања за дополнителни опасности по земјотресот.