Земјотрес со локална магнитуда од 3.0 степени според Рихтеровата скала ноќеска во 00:06 часот е регистриран во епицентралното подрачје Тетово-Гостивар, соопшти Сеизмолошката опсерваторија при Природно-математичкиот факултет во Скопје.
Според информациите на Опсерваторијата, потресот бил почувствуван од жителите на Гостивар, Тетово и околните населени места, со интензитет од III степени според Европската макросеизмичка скала.
