Земјотрес со јачина од 5 степени според Рихтеровата скала денеска го погоди подрачјето на Аденскиот Залив, јужно од Јемен, соопшти Европско-медитеранскиот сеизмолошки центар (EMSC).
Според првичните информации, епицентарот бил во морскиот дел на Аденскиот Залив, на длабочина од околу 10 километри.
Засега нема информации за повредени лица или причинета материјална штета, а надлежните служби не издале предупредување за опасност од цунами.
Аденскиот Залив е сеизмички активно подрачје кое повремено е погодено од земјотреси со умерен интензитет поради тектонските движења меѓу Арапската и Африканската плоча.
