Дваесет и двегодишна жена од Гостивар во четвртокот во ОВР Гостивар пријавила дека подолг временски период била изложена на физичко и психичко малтретирање од нејзиниот партнер Б.И. од Гостивар.
Според пријавата, пред три години тој ѝ нанел тешка телесна повреда, а на 18 јуни годинава повторно физички ја нападнал и упатил закани кон неа и кон нејзин пријател.
По добиена судска наредба, полициски службеници извршиле претрес во домот на пријавениот, при што била пронајдена ловечка пушка која му припаѓала на неговиот починат татко, а која била поседувана со соодветна дозвола.
Од СВР Тетово информираат дека се преземаат мерки за целосно расчистување и документирање на случајот.
