Седумдесет и седумгодишна жена утрово се здобила со тешки повреди при излегување од автобус во белградската населба Земун, откако останала приклештена од вратата на возилото.
Според информациите на српските медиуми, автобусот продолжил да се движи додека дел од телото на жената останал заглавен во вратата, по што таа била влечена по улицата. Во еден момент паднала на коловозот и се здобила со повеќекратни повреди на главата и телото.
Несреќата се случила утрово околу 8:50 часот во улицата „20 Октомври“ во Земун, на автобуската линија број 15.
Според извор на „Блиц“, жената се здобила со сериозни повреди, меѓу кои: скршена брада, избени заби, повреди на градниот кош и на левата рака.
На местото интервенирале екипи на Итната медицинска помош и полицијата, а повредената жена била пренесена во Ургентниот центар во Белград.
