Четириесет и четиригодишна жителка на Скопје пријавила во полиција дека била ограбена и физички нападната на подрачјето на Карпош.
Според информациите од Министерството за внатрешни работи, настанот бил пријавен на 7 јули во 08:25 часот во СВР Скопје. Пријавителката навела дека женско лице од нејзиното возило ѝ одзело чанта во која имало паричник, лични документи, мобилен телефон, пари и други предмети.
По кражбата, осомничената физички ја нападнала 44-годишната жена.
Од МВР информираат дека се преземаат мерки и активности за расчистување на случајот и пронаоѓање на сторителката.
