Жена во Ѓорче изгубила свест од удари и давење - нови два случаи на ужасно семејно насилство

Основното јавно обвинителство Скопје поведе постапка против две лица за кривично дело „Телесна повреда“ по член 130 став 2 во врска со став 1 од Кривичниот законик, во два одделни случаи на семејно насилство.

— реклама —

Во првиот случај, на 25 септември во семеен дом во Ѓорче Петров, осомничениот физички ја нападнал својата вонбрачна партнерка. Според обвинителството, тој ја удирал со тупаници, шлаканици и клоци во пределот на главата и телото, а во еден момент почнал и да ја дави. Жената изгубила свест, а притоа ѝ биле нанесени повеќе телесни повреди.

— реклама —

— реклама —

Вториот случај се случил на 1 октомври во селото Мирковци. Таму, друг осомничен отишол во домот на својата поранешна брачна партнерка и иако таа побарала да си замине, тој одбил и почнал да ја напаѓа. Според пријавата, ја влечел и тегнел за рацете, удирал со тупаници, при што жената добила видливи повреди.

— реклама —

Јавниот обвинител побарал од судијата на претходна постапка да им биде изречена мерка притвор за двајцата осомничени, поради околности кои укажуваат на опасност од бегство.