Жерновски со критики до власта по собирот за поддршка на Вучиќ во Куманово

Поранешниот функционер Андреј Жерновски преку објава на социјалните мрежи упати остри критики кон премиерот Христијан Мицкоски, министерот Тимчо Муцунски и владејачката коалиција, обвинувајќи ги за двојни стандарди по политичкиот собир за поддршка на српскиот претседател Александар Вучиќ во Куманово.

Во објавата, Жерновски наведува дека доколку во Македонија бил организиран митинг за поддршка на бугарскиот претседател Румен Радев, власта, според него, ќе реагирала со обвинувања за мешање во внатрешните работи и загрозување на суверенитетот.

— реклама —

„Ама кога во Куманово јавно се организира политички собир за поддршка на братот Вучиќ – тогаш молк“, напиша Жерновски.

Тој оценува дека молчењето на власта е доказ за, како што наведува, дволична политика и селективен пристап кон прашањата за странско политичко влијание.

— реклама —

Во својата реакција, Жерновски го отвора и прашањето за односот на власта кон различните етнички заедници во државата.

„Ако 3.504 Бугари во нашата држава одеднаш се претставуваат како огромен ризик за државата и народот, тогаш како е можно 35.939 Срби во Македонија да не се никаква закана за македонскиот идентитет, јазик, култура?“, наведува тој.

— реклама —

Според Жерновски, власта селективно шири страв и манипулации со цел, како што тврди, да ја оправда блокадата на европскиот пат на државата.

„Кога им одговара – туѓ политички митинг е ‘братска поддршка’. Кога не им одговара – истото тоа е ‘национална катастрофа’“, напиша Жерновски.

— реклама —