Жерновски: Владата на Мицкоски ја водат лажни патриоти со бугарски пасоши

Андреј Жерновски денеска обвини дека актуелната власт предводена од Христијан Мицкоски е составена од функционери со бугарски пасоши, оценувајќи дека станува збор за „влада на лажни патриоти“.

— реклама —

Според Жерновски, граѓаните имаат право да знаат чии интереси ги застапуваат владините претставници – македонски или бугарски.

Тој посочи дека предизборните ветувања на ВМРО-ДПМНЕ, поврзани со Преспански договор и односите со Бугарија, не биле исполнети и ги оцени како политички лаги.

— реклама —

Жерновски ја критикуваше и иницијативата за закон за двојно државјанство, тврдејќи дека власта се повлекла кога станало јасно дека мерките би ги опфатиле и владините функционери.

— реклама —

„Не може законот да важи за пратениците, а да не важи за министрите“, истакна тој.

Претставникот на СДСМ оцени дека во владејачките структури има голем број функционери со странски пасоши, меѓу кои министри, пратеници, градоначалници и директори.

— реклама —

Во обраќањето тој ја критикуваше и коалицијата меѓу ВМРО-ДПМНЕ и ЗНАМ, нарекувајќи ја „тендер коалиција“, и порача дека опозицијата ќе продолжи да бара одговорност и целосно разоткривање на вистината.