Жител на дебарско село запалил сува трева, пожарот зафатил 3.000 квадратни метри

Жител на дебарското село Бомово бил лишен од слобода откако при чистење на нива запалил сува трева, по што пожарот се проширил и зафатил околу 3.000 квадратни метри.

— реклама —

Според Министерството за внатрешни работи, на 4 октомври околу 18:50 часот, полициски службеници од ОВР Дебар го лишиле од слобода В.М. (40) од селото.

— реклама —

Претходно било пријавено дека 40-годишникот при чистење на својата нива во атарот на Бомово запалил поголема количина сува трева. Огнот потоа се проширил на околната површина.

— реклама —

Во пожарот нема повредени лица, а интервенирала Територијалната противпожарна единица од Дебар.

По целосното документирање на настанот, против 40-годишникот ќе биде поднесена соодветна пријава.