Златото руши рекорди: Грам достигна 128 евра

Цената на златото продолжува да поставува нови рекорди на светските пазари, при што еден грам од благородниот метал денес достигна вредност од 128 евра, додека една унца, која тежи 31,1 грам, се тргува за околу 4.007 евра.

— реклама —

Во услови на зголемена глобална економска неизвесност, инвеститорите сè повеќе го насочуваат капиталот кон златото, кое традиционално се смета за сигурно прибежиште во време на кризи.

— реклама —

Аналитичарите посочуваат дека растот на цената е поттикнат од геополитичките конфликти, инфлацијата и нестабилноста на финансиските пазари, но и од зголеменото купување на злато од страна на централните банки и големите инвестициски фондови.

— реклама —

Според проценките на финансиски институции од Волстрит, побарувачката за злато е на највисоки нивоа во последните години, а дел од аналитичарите сметаат дека цената би можела дополнително да расте доколку продолжат политичките и економските тензии во светот.

— реклама —

Во таков случај, не се исклучува можноста златото во наредниот период да ја надмине психолошката граница од 5.000 долари за унца.