Цената на златото на светските пазари денес се движи меѓу 3.932 и 4.000 евра за унца (31,1 грам), што укажува на релативна стабилност со мали дневни осцилации.
Овие нивоа се во согласност со европските пазари, каде вредноста на благородниот метал се задржува нешто над 4.000 евра, во зависност од курсот и берзанските услови. Во доларска противвредност, цената изнесува околу 4.600 долари за унца.
И покрај стабилниот тренд, аналитичарите посочуваат дека пазарот останува чувствителен. Геополитичките тензии на Блискиот Исток, високите цени на енергенсите и очекувањата за каматните стапки во САД и натаму имаат значително влијание врз движењето на цената.
Златото, кое традиционално се смета за сигурно засолниште, се одржува на историски високи нивоа, иако сè уште е под рекордните вредности од почетокот на годината.
Експертите оценуваат дека во наредниот период може да се очекуваат осцилации, со можни побрзи промени во зависност од глобалните економски и политички случувања.
