Александар Зверев се пласираше во финалето на Мастерс турнирот во Мадрид по победата над Александар Блокса, но веднаш го насочи фокусот кон дуелот со Јаник Синер.
Германецот ја оправда улогата на фаворит против белгиското изненадување и закажа нов меч со светскиот рекет број еден, кој го има совладано осум пати по ред во нивните последни меѓусебни пресметки.
„Не знам дали тој е под поголем притисок. Кога си број еден на светот, притисокот постои секоја недела. Навикнат е на тоа, делува опуштено и ужива во тенисот. Сè му оди лесно во моментов“, изјави Зверев.
Тој сепак верува дека може да му создаде проблеми во финалето.
„Можеби во недела ќе успеам да му ја отежнам работата“, додаде тој.
Во однос на нивниот меѓусебен биланс, Зверев со насмевка истакна:
„Го победив четири пати... но ги изгубив последните осум. Тој е без дилема најдобар играч на светот. Ќе се обидам само да му го отежнам мечот“.
Финалето ќе биде нивен 15. меѓусебен дуел, а Синер води со 9-4 во победи и има серија од осум последователни триумфи.
