Вкупно 13 пожари на отворен простор се регистрирани во земјава до 13 часот денеска, од кои шест се активни, пет се под контрола, а два се изгаснати, информира Центарот за управување со кризи.
Активни пожари има во Општина Струга, меѓу селата Буринец и Локов, во Општина Сарај, во селото Копаница, во Општина Студеничани, во реонот на Палиград, како и во Општина Ѓорче Петров, кај селото Грачани.
Пожар е активен и во Општина Македонски Брод, кај селото Белица, на месноста Кајорец, на врвот, каде што гори борова шума. Во Општина Ново Село активен е пожар на депонија во селото Ново Село.
Пет пожари се ставени под контрола. Во Општина Македонски Брод се под контрола пожарите кај селата Битово, Заград и Страјане, како и кај Драгов Дол. Под контрола е и пожарот над селото Палиград во Општина Зелениково, на градската депонија Острец во Делчево и пожарот меѓу селата Селце, Пухче, Степанци и Лакавица во Општина Штип.
Во текот на денот се изгаснати два пожара – кај месноста Макази, во близина на селото Подмочани во Општина Ресен, и во месноста Дардара кај селото Тајмиште во Општина Кичево.
Од ЦУК продолжуваат да ја следат состојбата на терен и да ја координираат интервенцијата на надлежните служби.
