14-годишник осомничен дека украл 17.300 евра од дедо му, парите наводно ги однел кај мајка си

Триесет и шестгодишна жена од Демир Капија и нејзиниот 14-годишен син биле лишени од слобода по пријава дека од домот на неговиот дедо биле одземени околу 17.300 евра.

— реклама —

Според Министерството за внатрешни работи, на 22 јули во 19:15 часот полициски службеници од ОВР Неготино постапиле по пријава од 68-годишен жител, кој навел дека неговиот 14-годишен внук, под влијание на неговата мајка К.Л. (36), од неговиот дом одзел околу 17.300 евра и ги однел кај неа.

— реклама —

— реклама —

За случајот бил известен јавен обвинител, Центарот за социјални работи и адвокат за малолетници, во чие присуство бил извршен разговор со малолетникот.

— реклама —

К.Л. била задржана во полициска станица, а по целосното документирање на случајот ќе биде поднесена соодветна пријава.