14-годишник возел четирицикл без возачка дозвола во Гостивар, полицијата му го одзеде возилото

Четиринаесетгодишен малолетник од Гостивар е лишен од слобода откако бил затекнат како управува четирицикл без возачка дозвола, соопшти Министерството за внатрешни работи.

— реклама —

Според информациите, на 27 јули околу 20:00 часот на улицата „ЈНА“ во Гостивар, полициски службеници од ОВР Гостивар при контрола во сообраќајот запреле четирицикл со гостиварски регистарски ознаки, кој го управувал 14-годишникот.

— реклама —

— реклама —

При проверката било утврдено дека малолетникот нема возачка дозвола. За случајот бил известен инспектор за малолетници, а по консултација со јавен обвинител четирициклот бил одземен.

— реклама —

По целосното документирање на случајот, против малолетникот ќе биде поднесена соодветна пријава.