Бројот на загинати во рускиот ракетен напад врз Одеса се искачи на 14, додека најмалку 46 лица се повредени, соопштија началникот на регионот Олег Кипер и претставници на итната служба.
Во првиот напад биле погодени куќи, а откако брзата помош пристигнала на местото, се случил втор напад, велат локалните власти. Меѓу повредените има и медицински работници, пренесува АП.
Во нападот била погодена цивилна инфраструктура и избувнал пожар.
Оштетени се приватни куќи, гасовод и спасувачки возила.
Во последните недели Русија ги засили нападите врз Одеса, украинското пристаниште на Црното Море.
