Петнаесетгодишник од Скопје е лишен од слобода откако полициски службеници го затекнале како управува патничко возило, иако нема право за управување.
Според информациите од Министерството за внатрешни работи, случајот се случил ноќеска околу 1:10 часот на улицата „Ѓорѓи Капчев“ во Скопје. При редовна сообраќајна контрола било запрено патничко возило „ленд ровер“ со скопски регистарски ознаки, при што било утврдено дека зад воланот се наоѓал 15-годишник.
За настанот бил известен јавен обвинител за малолетници, а по целосното документирање на случајот ќе биде поднесена соодветна пријава.
