16-годишно момче загина при пад на мал авион во Шкотска

Осумдесетгодишен маж и 16-годишно момче загинале при пад на мал авион во Шкотска, соопшти шкотската полиција на 17 октомври.

— реклама —

Несреќата се случила североисточно од Драјмен, во областа Стирлинг. Итните служби добиле повик вчера околу 16:45 часот, по пријава за пад на авионот, пренесува „Скај њуз“.

— реклама —

Од полицијата информирале дека двете лица биле прогласени за мртви на местото на несреќата. Нивните семејства биле известени за трагичниот настан, пренесува „Танјуг“.

По падот на авионот, во областа Драјмен биле воведени привремени ограничувања на воздушниот сообраќај, меѓу кои и забрана за користење дронови.

— реклама —

Од полицијата соопштиле дека ограничувањата би можеле да останат во сила сè додека Одделот за истрага на воздухопловни несреќи не ја заврши истрагата.

Полицијата предупредила дека летањето во зоната во која важат ограничувањата претставува кривично дело.