16-годишник осомничен за кражба на автомобил, возилото било пронајдено оштетено

Полицијата приведе 16-годишник од Гостивар поради основано сомнение дека сторил кривично дело „одземање моторно возило“.

— реклама —

Како што информира Министерството за внатрешни работи, малолетникот бил лишен од слобода на 19 јули околу 15:40 часот на улицата „Никола Парапунов“ во Гостивар.

— реклама —

Претходно, во 12:10 часот, 26-годишната А.С. пријавила дека во текот на ноќта од кејот „Вардар“ било одземено патничко возило „фолксваген голф“ со гостиварски регистарски ознаки, сопственост на нејзиниот сопруг, 31-годишниот З.С.

— реклама —

Возилото било пронајдено околу 15:10 часот од роднина на сопственикот на паркинг во населбата Малеарди. Автомобилот имал видливи оштетувања, а клучот бил оставен во бравата. По извршените постапки, возилото со потврда му било вратено на сопственикот.

— реклама —

По целосното документирање на случајот ќе биде поднесен соодветен поднесок.