17-годишен мотоциклист тешко повреден во сообраќајка во Марино

17-годишен мотоциклист се здобил со тешки телесни повреди во сообраќајна несреќа што се случила во Марино, општина Илинден.

— реклама —

Според МВР, на 30 септември во 10 часот во СВР Скопје било пријавено дека на крстосницата на улицата „534“ и сервисната улица во Марино, мотоциклот управуван од 17-годишник од селото удрил во паркирано патничко возило „Хонда Сивик“ со скопски регистарски ознаки.

— реклама —

Возилото било паркирано од П.М. (68) од Мралино, Скопско.

— реклама —

Во несреќата тешки телесни повреди се здобил малолетниот мотоциклист, кои биле констатирани во Ургентниот центар при комплексот клиники „Мајка Тереза“ во Скопје.

На местото бил извршен увид од увидна екипа на СВР Скопје.