18-годишниот Огнен од Делчево доби плакета откако пронашол 4.000 евра на улица и ги предал во полицијата

Осумнаесетгодишниот Огнен Малешевски од Делчево доби плакета од градоначалникот Иван Гоцевски, откако викендов пронашол изгубени пари и лични документи и ги предал во полицијата.

— реклама —

Младиот делчевец во саботата, на булеварот „Македонија“, пронашол патна исправа и лична карта на свој сограѓанин, заедно со 114.000 денари и околу 2.000 евра. Наместо да ги задржи, веднаш ги однел во Полициската станица во Делчево.

— реклама —

Градоначалникот Гоцевски го прими Огнен и му додели плакета за неговата постапка, истакнувајќи дека младиот сограѓанин ја воодушевил јавноста со својот пример, без да бара внимание или признание.

— реклама —

Тој порача дека Делчево може да се гордее со постапката на Огнен, која ја оцени како пример за чесност и граѓанска одговорност.

Позитивната постапка ја поздрави и Министерството за внатрешни работи, оценувајќи ја како пример за чесност, совесност и високо развиена граѓанска одговорност, особено кај младите.