делчево

По пријавата од МВР, градоначалникот на Делчево уверува дека постапил законски

Откако Министерството за внатрешни работи поднесе кривична пријава против градоначалникот на Делчево, Горан Трајковски, поради сомневање за злоупотреба на службената положба и овластување, тој изјави дека целата постапка за вработување во 2018 година била спроведена законски.„Селекцијата на кандидатите по јавниот оглас не ја врши општината, туку исклучиво Агенцијата за администрација преку Комисија формирана со решение на директорот. Таа комисија ја води целата постапка, од административната селекција, преку испитот и проверката на доставените докази, до интервјуто. По завршувањето на сите фази, јас сум законски обврзан да го изберам прворангираниот кандидат,“ истакна Трајковски.Тој нагласи дека во конкретниот случај избраното лице било единствено и прворангирано, па затоа донел Одлука за избор и Решение за вработување.„Сакам да нагласам дека нема никаква злоупотреба на службената положба. Постапив во согласност со законот и врз основа на завршената селекција спроведена од Агенцијата за администрација,“ додаде градоначалникот.Според пријавата на МВР, со незаконската одлука за вработување кандидат кој веќе ги исполнувал условите за пензионирање, Трајковски наводно му овозможил противправна имотна корист од 505.561 денари на име плата и истовремено ѝ нанел штета на Општина Делчево во висина од 762.318 денари по основ на плати и придонеси.

Македонија | пред 4 месеци

Кивична пријава за градоначалникот Горан Трајковски за незаконско вработување во Општина Делчево

Против градоначалникот на Делчево Горан Трајковски (54) е поднесена кривична пријава за злоупотреба на службената положба, откако незаконски овозможил вработување на лице кое веќе ги исполнувало условите за пензија, со што била нанесена штета на општината од над 760 илјади денари.-Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради основи на сомнение за сторено кривично дело „злоупотреба на службената положба и овластување“, предвидено и казниво по член 353 став 3 во врска со став 1 од Кривичниот законик.Пријавениот Г.Т. како овластено службено лице градоначалник на Општина Делчево на 01.08.2018 по јавен оглас од 25.06.2018 за вработување на административен службеник, злоупотребувајќи ја својата службена положба и овластување со пречекорување на границите на службената должност донел незаконска одлука за избор на кандидатот В.М. од Делчево, кој уште во првата фаза од постапката за вработување, како и во моментот на донесување на решението за стекнување на статус на административен службеник ги исполнувал законските услови да се стекне со право на пензиско и инвалидско осигурување со навршени 64 години старост, што претставува основа за престанок на работен однос на административен службеник, а не основа за вработување согласно член 98 став 1 алинеа 3, а во врска со член 98 став 5 алинеја 9 и 10 од Законот за административни службеници.Со незаконското вработување пријавениот Г.Т. му овозможил на В.М. да се стекне со противправна имотна корист од 505.561 денари на име плата и да нанесе штета на Општина Делчево во износ од 762.318 денари по основ на исплатени придонеси и плата, наведува МВР.

Македонија | пред 4 месеци

Прогласена кризна состојба во Делчево

Прогласена кризна состојба во Општина Делчево, информираа од Општината. Одлуката е донесена на денешната седница на Владата, а причината за прогласувањето кризна состојба е заради поплави и справување со поплавите и последиците од нив.Во Општина Делчево како последица од невремето настанаа оштетувања на патната инфраструктура и неколку поголеми свлечишта чијашто санација бара долгорочни решенија за кои е потребна државна помош, истакнаа од Општина Делчево.Претходно општинските служби доставија информации до Владата, а по прогласувањето на криза состојба, се очекува и потребната помош. Освен во Делчево кризна состојба од истите причини е прогласена и во Општина Крива Паланка.„Владата, со донесената одлука за постојната кризна состојба заради поплави на дел од територијата на Република Северна Македонија, односно на подрачјата на Општина Делчево и Општина Крива Паланка се вклучува во поддршката на општините во справувањето со последиците од поплавите.Целта е, јавните државни претпријатија, пред сѐ Јавното претпријатие за државни патишта на Република Северна Македонија и Јавното претпријатие за одржување на магистралните и регионалните патишта да се вклучат со помош на општините во мерките и активностите за санација на последиците од поплавите“, велат од Владата.

Македонија | пред 2 години

Општина Аеродром ќе донира 500.000 денари за справување со последиците од невремето во Делчево

На предлог на претседателот на советот на Општина Аеродром Дејан Митески и советничката група на ВМРО ДПМНЕ и коалицијата, Советот на општина Аеродром донесе одлука за донирање 500.000 денари од буџетот на општината, во насока на справување со последиците од невремето кое ги зафати неодамна Делчево и околината.- Аеродром е хумана општина и таа хуманост е потврдена досега во повеќе наврати. Помошта и поддршката во овој момент е важна за граѓаните на Делчево, а Општина Аеродром на ваков начин дава придонес кон санација на последиците и враќање на нормалното живеење во градот. Упатуваме апел до сите поединци и организации да го следат овој пример и во рамки на своите можност да дадат материјална и техничка помош и поддршка за нашите сограѓани, порачаа од општина Аеродром.

Скопје | пред 2 години

(ФОТО) Распука патот кај Делчево, сообраќајот пренасочен

На магистралата А3 на патниот правец Делчево - Македонска Каменица - Кочани се појавија пукнатини по невремето во четвртокот навечер. Поради тоа, сообраќајот кон Делчево се пренасочува преку патниот правец Берово - Смојмирово - Виница.Причината е поради пропаѓање на патот кај месноста Црквенска Река близу Делчево. Претходно на проблематичното место е поставена сообраќајна сигнализација.Информацијата ја соопштија од АМСМ, а ја потврдија од подружницата на „Македонија Пат“, од каде велат дека забраната за движење на патниот правец од Делчево кон Македонска Каменица и Кочани е за сите возила.-Иако некаде до 20 часот можеше да се користи и алтернативниот патен правец преку селата Киселица и Полето, сепак поради нестабилниот терен решивме да воведеме целосна забрана за сообраќај за сите видови возила на магистралата А3, Делчево - Македонска Каменица - Кочани. Сообраќајот во моментот се одвива преку алтернативниот патен правец Делчево - Берово - Смојмирово - Виница, истакна синоќа Влатко Цоневски од подружницата на „Македонија Пат“.

Македонија | пред 2 години

48 часа по катастрофалните поплави во Делчево, нема ни трага ни глас од владата на терен, вели ВМРО-ДПМНЕ.

48 часа по катастрофалните поплави во Делчево, нема ни трага ни глас од владата, помош дадоа само градоначалниците од ВМРО-ДПМНЕ. Владата остана нем посматрач на катастрофалните поплави во Делчево и ги остави граѓаните сами да се справуваат со последиците од истите, вели ВМРО-ДПМНЕ.„Единствен кој излезе во пресрет на делчевчани, се околните градоначалници од ВМРО-ДПМНЕ кои веднаш помогнаа со противпожарни возила и екипи од ТППЕ, и друг вид на опрема, а веднаш потоа единствени кои изгласаа и ветија парична помош се исто така градоначалниците од ВМРО-ДПМНЕ ширум државата.ВМРО-ДПМНЕ покажува дека се грижи и дека подеднакво и е значаен секој дел од државата, без разлика дали локалната власт е од ВМРО-ДПМНЕ или некоја друга партија. Таквиот пристап ќе продолжи и од страна на владата што ќе ја води ВМРО-ДПМНЕ. Народот ќе има партнер во ВМРО-ДПМНЕ“, се вели во соопштението.

Македонија | пред 2 години

И денес се испумпува вода во Делечево по вчерашните поплави

И утрово продолжи испумпувањето на вода од подрумите на луѓето, по поплавите од невремето кое вчера попладне го зафати Делечево. Доцна синоќа помош на луѓето им пружаа пожарникари од Кавадарци, Кочани, Берово и Македонска Каменица.Градоначалникот на Делчево Горан Трајковски синоќа рече дека се работи за голема елементарна непогода и дека ништо не можело да ги спречи последиците од невремето, проследено со интензивни обилни врнежи.„Ова е елементарна непогода. Екипите се на терен – територијалната противпожарна единица, јавното комунално претпријатие, „Македонија пат“, овде е и полицијата која го регулира сообраќајот да можеме побрзо да го ставиме градот во функција и да им помогнеме на луѓето каде што треба..ги контактиравме околните општини, пумпи за испумпување се на пат, имаме организирано, знаеме каде да ги упатиме овие пумпи“ рече Трајковски и додаде дека мора брзо да интервенираат затоа што има поплавени неколку улици и домови.

Македонија | пред 2 години

(ФОТО) Апокалиптични сцени по невремето во Делчево

На социјалните мрежи се шират застрашувачки фотографии од вчерашното невреме што го зафати Делчево.Во невремето проследено со силен дожд и град, поплавени беа голем број на куќи и објектиВо текот на ноќта освен пожарникарите на терен беа и вработени во комуналното претпријатие кои со механизација расчистуваа дел од наносите на патната мрежа.Во своето вечерно обраќање градоначалникот на Делчево информираше дека ставени се во функција сите расположливи ресурси но за целосно справување со последиците ќе биде потребна и поголема поддршка.Апелираше загрозените граѓани да ја пријавуваат состојбата на дежурниот телефонски број изразувајки надеж дека во текот на денешниот ден работите ќе бидат ставени под целосна контрола.

Македонија | пред 2 години

„Каде завршиле 1,6 милиони евра од аферата „Криминални парцели“ и дали е тоа во ВМРО-ДПМНЕ?“

„Аферата „Криминални парцели“, во која се проневерени околу 1,6 милиони евра ја тресе ВМРО-ДПМНЕ. Информациите објавени во медиумите отвораат сериозни прашања за кои јавноста со право очекува одговори од првиот човек на оваа партија, Христијан Мицкоски“, посочиве Даниела Николова, пратеничка на СДСМ.Таа додава:„Последните објавени информации покажуваат дека дел од осомничените во аферата „Криминални парцели“ се донатори на ВМРО-ДПМНЕ, како и на кампањата на градоначалничката Данела Арсовска.Ова е една од причините зошто Христијан Мицкоски треба да одговори на прашањето:Каде завршиле 1,6 милиони евра од аферата „Криминални парцели“ и дали е тоа во ВМРО-ДПМНЕ?Овие сомнежи се основани по информациите кои изглегоа во јавноста дека станува збор за криминална шема и затоа очекуваме истрагата да ги даде сите одговори.Но, неспорен факт е дека речиси сите осомничени и обвинети во аферата „Криминални парцели“ имаат поврзаност со ВМРО-ДПМНЕ и Христијан Мицкоски.Осомничениот Влатко Илиевски бил телохранител на Христијан Мицкоски и се појавува како донатор на ВМРО ДПМНЕ.Орце Тодоровски, е негов близок човек, партнер во бизнисот со хидроцентралите. Една од неговите донации изнесува 1 милион денари или околу 16.000 евра.Осомничениот Дарко Тодоровски бил поранешен советник во ВМРО-ДПМНЕ и се јавува како донатор на партијата.Еден од донаторите кој е и осомничен во оваа афера е Мирослав Митрески, син на екс градоначалник од ВМРОДПМНЕ.Осомничениот Игор Гиевски е поранешен претседател на УМС на ВМРО-ДПМНЕ.Во аферата „Криминални парцели“ направена е проневера на околу 1,6 милиони евра.Клучното прашање е каде завршиле овие 1,6 милиони евра, кој е патот на парите?Дали со нив е финансирана кампањата на ВМРО-ДПМНЕ за локалните избори или со нив бил спроведен поткуп?Дали се прикривале трагите за испумпување на пари од ЕВН, како што Груевски правеше со плацевите на Водно?Очекуваме истрагата да ги даде одговорите на сите овие прашања“.

Македонија | пред 3 години

Делчевски ниви: Кои се лицата кои добија притвор, зошто се води истрага, за што се гонат

Кривичен суд им одреди притвор на двајцата управители на „ЕВН Електрани Македонија“, Мирослав Митровски и Игор Гиевски, заедно со третоосомничениот помагач во случајот поврзан со купопродажба на парцели за фотонапонски централи во Делчево. Одлуките се донесени и за останатите четворица осомничени за кои се бараа мерки за обезбедување присуство. За сите се одредени мерките побарани од обвинителот, освен за едно лице кое наместо ефективен доби куќен притвор.Кои се овие лицаДел од медиумите уште претходно ги објавија имињата на осомничените во случајот „Делчевски ниви“ меѓу кои се двајца управители во ЕВН, телохранител на Христијан Мицковски и уште неколку негови сегашни и поранешни блиски личности:Игор Гиевски, управител на ЕВН Електрани, Мирослав Митровски, управител на ЕВН Електрани, Дарко Тодоровски, поранешен советник во Советот на Општина Делчево, Дарко Ќурчиски, бизнисмен, Влатко ( дел од обезбедувањето на Христијан Мицкоски) и Марија Илиевски, негова сопруга, и Орце Тодоровски-Ефто.Зошто се води истрагаОд она што досега е јавно познато, осомничените Дарко Тодоровски, Влатко Илиевски и неговата сопруга Марија Илиевски, сите од Делчево, добиле на подарок ниви од други лица, кои ги стекнале во сопственост на 1 септември 2021 година.ЕВН на 21 септември го купило земјиштето, а неколку дена подоцна парите легнале на сметките на брачниот пар Илиевски и кај советникот Тодоровски. Земјиштето со реална пазарна вредност од 10 до 30 денари за квадратен метар, ЕВН им го платила по десет евра за квадрат.Сомневањата се дека со препродажбата трите физички лица и тројцата вработени во ЕВН, кои биле роднински и пријателски поврзани, испумпале пари од компанијата за потребите на ВМРО – ДПМНЕ за локалните избори, но на утврдувањето на патот на парите сè уште се работи.Непотврдени сомневањаОткако аферата за прв пат доби јавност, владејачката СДСМ во неколку наврати обвинуваше дека со испумпаните пари од ЕВН Електрани, лицата учествувале во нелегално финансирање на политичката кампања на ВМРО-ДПМНЕ за локалните избори. До овој момент, од Финансиската полиција такви наоди нема.За кое кривично дело се гонатОсновното јавно обвинителство Скопје информираше дека донело Наредба за спроведување истражна постапка против седум лица, од кои за двајца постои основано сомнение дека како соизвршители сториле кривично дело – Измама во службата од член 355 став 4 во врска со став 3 во врска со став 1 и во врска со член 22 од Кривичниот законик, додека останатите се осомничени за помагање при извршување на кривичното дело.Осомничените првично ги стекнале парцелите со формални договори за дар, кои во суштина се договори за купопродажба бидејќи за трансакцијата им биле исплаќани парични средства. Со тоа незаконски била избегната обврската за достава на писмена понуда или објава на јавен оглас за земјиштето.Дел од наведените катастарски парцели не ги исполнувале критериумите за пренамена од земјоделско во градежно земјиште согласно Законот за урбанизација, дел од катастарските парцели не исполниле услов согласно објавените критериуми предвидени во јавниот објавен оглас за доделување на право на користење премии за електрична енергија произведена од фотонапонски електроцентрали објавен од страна на Министерството за економија, иако согласно одлуките на Надзорниот одбор и Управниот одбор на правното лице парцелите биле купувани токму со таа намена.Купопродажбата се реализирала со склучување на купопродажни договори помеѓу правното лице од една страна во својство на купувач и четвртоосомничениот, петоосомничениот, шестооосмничената и седмоосомничениот од друга страна во својство на продавачи. Третоосомничениот, пак, бил во постојан контакт со осомничените и помагал околу лоцирање на недвижностите.Правното лице, врз основа на склучените договори, за недвижност – земјоделско земјиште од 5, 6, 7 и 8 класа, со вкупна проценета пазарна вредност од 2.146.723 денари, на продавачите им исплатило парични средства во вкупен износ од 99.431.060 денари. Разликата помеѓу исплатената сума и реалната вредност на парцелите изнесува околу 97.284.337 денари и претставува значителна имотна корист што ја оствариле осомничените.

Македонија | пред 3 години

Не е само телохранителот на Мицкоски, во аферата „Криминални парцели“ речиси сите се поврзани со ВМРО-ДПМНЕ, вели Каевски

„Се потврди дека големата афера „Криминални парцели“ за проневера на 1,5 милиони евра е поврзана со ВМРО-ДПМНЕ, Белиот дворец и Христијан Мицкоски“, вели Дарко Каевски, пратеник и портпарол на СДСМ.Тој додава:„Станува збор за голема афера тешка 1,5 милион евра.Сите информации кои излегоа во јавноста и ги пласираа медиумите уште пред неколку месеци јасно укажуваат на организирана криминална акција, преку измама и проневера на парцели во Делчевско.Речиси сите осомничени лица во аферата „Криминални парцели“ се поврзани со ВМРО-ДПМНЕ и Христијан Мицкоски.Еден од осомнитечните е телохранител на Мицкоски, извесен Влатко Илиевски, со Договор вреден неверојатни 500.000 евра или половина милион евра.Јавно достапните информации во медиумите покажуваат дека на крајно сомнителен начин продал парцели од речиси 40.000 метри квадратни. Но тој не ги купил туку ги добил на подарок.Осомничен за кривично дело „измама во службата“ е и Игор Гиевски, поранешен претседател на УМС на ВМРО-ДПМНЕ.Понатаму, осомничен е и Мирослав Митовски, син на екс градоначалник од ВМРО-ДПМНЕ во Ѓорче Петров.Дарко Тодоровски, поранешен советник од редовите на ВМРО-ДПМНЕ во Делчево е исто така осомничен во оваа афера.Сите овие луѓе, освен што се осомничени за криминал, се луѓе на ВМРО-ДПМНЕ и секако блиски на Мицкоски.Клучно прашање е каква е улогата на Христијан Мицкоски во оваа афера? Јавноста очекува одговори. Јавноста очекува одговорност и целосно расчитување на оваа афера.ВМРО-ДПМНЕ да не врши притисок врз институциите туку да ги остави да ја расчистат оваа афера и сите што го прекршиле законот да одговараат“.

Македонија | пред 3 години