19-годишен мотоциклист тешко повреден во судир со автомобил во Велгошти

Деветнаесетгодишен мотоциклист од Охрид се здобил со тешки телесни повреди во сообраќајна несреќа што се случила во населбата Велгошти.

Според информациите од Министерството за внатрешни работи, несреќата се случила на 22 јули во 23:10 часот на улицата „Живко Чинго“, каде што се судриле патничко возило „цитроен“ со охридски регистарски ознаки, управувано од А.А. од Охрид, и мотоцикл „педа“ со охридски регистарски ознаки, кој го управувал С.В. (19) од Охрид.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Специјалната болница „Св. Еразмо“ во Охрид.

— реклама —

Увид на местото на несреќата извршила увидна екипа на СВР Охрид.