29 пожари за едно деноноќие, три сè уште активни

Во изминатото деноноќие на територијата на Македонија се регистрирани вкупно 29 пожари на отворен простор, од кои три се активни, еден е ставен под контрола, а 25 се изгаснати, информира Центарот за управување со кризи.

— реклама —

Активни се пожарите во реонот на Студеничани и Зелениково, каде огнот зафаќа мешана шума на потегот Моране – Вртекица – Рамни Габер, со крак кон Палиград и над Вражале.

— реклама —

Активен пожар има и во село Трново, Гостиварско, каде гори мешана шума, како и над село Нежилово во Општина Чашка, каде што пожарот зафатил смреки.

Под контрола е пожарот во село Тајмиште, Кичевско, во месноста Дарда, каде гори високостеблеста букова шума.

— реклама —

Од останатите 25 пожари што биле регистрирани во текот на ноќта, меѓу другите, биле зафатени подрачја во Пробиштип, Илинден, Сарај, Студеничани, Арачиново, Македонски Брод, Новаци, Петровец, Струмица, Берово, Карбинци и Чешиново-Облешево.

— реклама —

Во повеќето случаи горела ниска и сува вегетација, грмушки и шума, а регистрирани се и пожари на стрништа, отпад и објекти. Сите овие пожари се изгаснати.