33 пожари за едно деноноќие во Македонија, четири и натаму активни

Во текот на изминатото деноноќие на територијата на земјава се регистрирани вкупно 33 пожари на отворен простор, информира Центарот за управување со кризи (ЦУК). Од нив, 25 се целосно изгаснати, четири се ставени под контрола, а четири пожари сè уште се активни.

Активни пожари има на подрачјата на Студеничани и Зелениково, каде огнот зафаќа мешана шума на потегот од селата Моране, Вртекица и Рамни Габер, како и на кракот кон Палиград и над селото Вражале.

— реклама —

Активен пожар е регистриран и во Општина Македонски Брод, на местото Видуш, во близина на селата Драгов Дол и Локвица, каде гори ниска вегетација, нискостеблеста шума и грмушки.

— реклама —

Во Општина Кичево, кај селото Тајмиште, на местото Дарда, пожарот зафатил високостеблеста букова шума, додека во Општина Гостивар, кај селото Горна Ѓоновица, гори ниска вегетација.

Под контрола се ставени пожарите во селото Илинден во Општина Илинден, кај селото Бигла во Делчево, во селото Туденце во Јегуновце, како и на подрачјето на селата Ломница и Ѓерѓевиште во Општина Врапчиште.

— реклама —

Во текот на деноноќието биле изгаснати пожари и на подрачјата на Студеничани, Бутел, Петровец, Берово, Кичево, Струга, Битола, Прилеп, Кривогаштани, Росоман, Велес, Теарце, Тетово, Желино, Јегуновце, Врапчиште, Липково и Куманово.

— реклама —

Меѓу изгаснатите пожари има случаи на горење ниска вегетација, сува трева и стрништа, но и шумски пожари, како и пожари на отпаден материјал и објекти.

Од ЦУК продолжуваат да ја следат состојбата со пожарите на отворен простор и апелираат граѓаните да бидат внимателни и да ги почитуваат препораките на надлежните институции.