36 пожари во изминатото деноноќие – 3 активни, 5 под контрола

Вкупно 36 пожари на отворен простор се регистрирани во Македонија до 07:30 часот, информира Центарот за управување со кризи.

— реклама —

Од вкупниот број, 3 пожари се активни, 5 се под контрола, додека 28 се изгаснати.

— реклама —

Активни се пожарите во Општина Струга, каде што е зафатена нискостеблеста шума на потегот од село Буринец кон Локов и Селце, како и два пожари во Општина Македонски Брод – кај село Белица, на потегот Кајорец кон Брезница, каде гори нискостеблеста и мешана шума, и кај село Бенче, каде е регистриран шумски пожар.

Под контрола се пет пожари. Тие се регистрирани во Кичево, Сарај, Делчево, Ново Село и Чучер-Сандево, при што се зафатени ниска и мешана вегетација, шума, депонија и паднати стебла.

— реклама —

Во текот на периодот се изгаснати 28 пожари на различни локации низ земјава. Меѓу нив има пожари во Скопје, Струмица, Кичево, Дебар, Могила, Ресен, Крушево, Липково, Куманово, Старо Нагоричане, Брвеница, Тетово, Гостивар, Врапчиште и Велес.

— реклама —

Најчесто гореле ниска вегетација и шума, но биле регистрирани и пожари на депонии, ѓубришта, стрништа и отпаден материјал.