41 пожар на отворен простор за една ноќ, шест сè уште активни

Вкупно 41 пожар на отворен простор се регистрирани во периодот од 1 до 2 септември, до 7:30 часот, соопшти Центарот за управување со кризи (ЦУК). Од нив, шест се активни, пет се ставени под контрола, а 30 се изгаснати.

— реклама —

Активни пожари има во Штип, Струга, Сарај, Студеничани, Ѓорче Петров и Кичево.

— реклама —

Во Штип пожарот е меѓу селата Селце, Пухче, Степанци и Лакавица, каде гори ниска вегетација. Во Струга огнот зафатил шума кај Пискупштина, Луково и Буринец, додека во Сарај активен е пожарот кај Копаница, каде гори нискостеблеста шума и ниска вегетација.

Пожар има и кај Палиград во Студеничани, каде се зафатени ниска вегетација и мешана шума, кај Грачани во Ѓорче Петров, каде гори нискостеблеста шума, како и на местото викано Дардара кај Тајмиште во Кичево, со зафатени ниска вегетација и мешана шума.

— реклама —

Под контрола се пожарите во селата Битово, Заград и Страјане, Драгов Дол и Белица во Македонски Брод, над Палиград во Зелениково и на градската депонија Острец во Делчево.

— реклама —

Од ЦУК информираат дека се изгаснати уште 30 пожари на различни локации низ земјата, меѓу кои во Велес, Чашка, Демир Капија, Ново Село, Струмица, Валандово, Боговиње, Јегуновце, Гостивар, Прилеп, Долнени, Виница, Сарај, Арачиново, Чучер-Сандево, Студеничани, Шуто Оризари, Могила, Липково, Ранковце, Куманово, Старо Нагоричане и Струга.