63-годишен скопјанец паднал со мопед во Охрид, завршил со тешки повреди

Шеесет и тригодишен маж од Скопје се здобил со тешки телесни повреди во сообраќајна несреќа што вчера попладне се случила во Охрид.

— реклама —

Како што информира Министерството за внатрешни работи, настанот бил пријавен околу 16:10 часот на улицата „7 Ноември“, каде Н.М. (63) од Скопје, управувајќи мопед со охридски регистарски ознаки, изгубил контрола над возилото и паднал на коловозот.

— реклама —

— реклама —

Во несреќата возачот се здобил со тешки телесни повреди, кои биле констатирани во Специјалната болница „Свети Еразмо“ во Охрид.

Увид на местото на несреќата извршила увидна екипа на СВР Охрид, а причините за инцидентот се утврдуваат.