Шеесет и тригодишен жител на струмичкото село Габрово е лишен од слобода откако предизвикал пожар во својот двор, кој потоа се проширил и на улицата, соопшти Министерството за внатрешни работи.
Настанот се случил на 30 јули околу 22 часот, кога полициски службеници од СВР Струмица го забележале Б.К. (63) од Струмица, со престој во селото, како предизвикува пожар во дворното место.
Пожарот бил изгаснат од екипа на Територијалната противпожарна единица Струмица, а во инцидентот нема повредени лица.
Осомничениот бил задржан во Полициската станица Струмица, а со алкотест било утврдено дека имал 2,04 промили алкохол во крвта.
За случајот е известен јавен обвинител од Основното јавно обвинителство Струмица, а по целосното документирање ќе биде поднесена соодветна пријава.
