Градоначалникот на Кавадарци, Митко Јанчев, денеска оддаде почит на борците кои ги дале своите животи за ослободувањето на градот, по повод 82-годишнината од овој историски датум.
Јанчев, преку објава, порача дека со гордост се одбележуваат 82 години од ослободувањето на Кавадарци, истакнувајќи дека споменот на хероите и нивната жртва треба да останат трајно врежани во колективната меморија.
По повод празникот, свежо цвеќе било положено пред споменикот на паднатите борци, во знак на благодарност и почит кон нивната храброст и жртва.
„Слободата е наша чест, но и наша обврска – да ја чуваме, почитуваме и пренесуваме на идните генерации“, порача Јанчев.
Тој упати честитка по повод 7 Септември, со порака: „Да живее Кавадарци! Да живее слободата!“
