Во споредба со 2019 година, оваа година има зголемување на разводите во Италија за дури 60 проценти и тоа двојно повеќе на север отколку на југ, покажуваат најновите истражувања. Пред коронавирусот, Италија имаше една од најниските стапки на разводи.
„За Италијанците, ова секако беше многу трауматично искуство. Ние веќе се соочивме со катастрофи за време на војните, но тие не почувствуваа значајни кризи од Втората светска војна. Тоа е земја со релативно добар стандард, каде хедонизмот навистина се негува. Сега, поради ситуацијата предизвикана од „Ковид-19“, сето тоа им беше ускратено“, вели Мирјана Милојевиќ, психотерапевтка.
Нивниот ден вели таа, започнува во бар, со колачиња (сладок појадок) и еспресо, и продолжува полека. „Но ова не беше случај минатата година, што е катастрофа за Италијанците. Покрај тоа, партнерите беа осудени или упатени исклучиво едни на други, и немаа начин да го поминат половина ден на работа како порано, половина со пријателите, а вечерта да останат со партнерот дома“, оценува Милојевиќ.
Постои и фактот дека во 40 проценти од случаите, разводите во Италија се започнати поради заклучувањето што го отежнува криењето на неверството и „двојниот живот“, во 30 проценти поради семејно насилство, додека останатите 30 проценти ги вклучуваат сите други причини.
„Кај Италијанците, бидејќи ова е католичка земја, разводите се поретки, но затоа очигледно неверствата не се. Особено сега, кога луѓето кои работат од дома, немаат можност да водат двоен живот“, наведува Милојевиќ.
„Кога станува збор за насилството, тоа секако е причина за разделување на две лица, но прашањето е во колкава мера ситуацијата со Ковид-19 произведе насилство. Веројатно имало луѓе кои никогаш не биле агресивни, но нивната одбрана попуштила во кризата затоа што не знаеле како да одговорат на сопствениот, како и на стравот на другата личност, така што имало семејно насилство“, напоменува таа.
Матео Сантини, адвокат, специјализиран за семејно право, исто така ги толкува податоците на Италијанската национална асоцијација за развод.
„Бевме преоптоварени од бројот на барања за разделба, главно поради принуден соживот. Едно е да се делат викенди и вечери со некого, а друго е да се помине цел ден со некого, со сите проблеми поврзани со пандемијата, како што се: стрес поради болест, губење на работа, тешко справување на децата со Интернет часови“, вели Сантини.
Според него факт е дека се повеќе Европејци се разведуваат во последниве години, но соочувањето со коронавирусот само го нагласи овој тренд.
