Израелската армија изврши напад врз милитантите во Појасот Газа
Израелската армија денеска објави дека извршила напади врз Појасот Газа, еден ден откако палестинските милитанти истрелале две ракети во Средоземното Море.
Според АП, на видеото се гледаат три големи експлозии и борбени авиони кои летаат над нив во јужниот дел на Појасот Газа.
Според првите извештаи, нема потврда за можни жртви.
Во соопштението на израелската армија се наведува дека нападите биле насочени кон фабрика за ракети.
Таа, исто така, ја обвини милитантната исламска група за секое насилство кое доаѓа од територијата што ја контролира.
Границата Израел-Газа беше главно мирна по 11-дневната војна во мај, но израелската армија во средата објави дека артилериски напади биле насочени кон воени цели на Хамас, како одговор на претходното пукање од Газа и ранување на Израелец, според Ројтерс.
