Белата палата неосновано шири паника кај граѓаните, пченица има доволно, вели СДСМ
„ВМРО-ДПМНЕ како и многу пати досега се однесува неодговорно во време на најголема светска економска криза, неосновано шири страв и паника и предивзикува вознемиреност кај граѓаните“, вели СДСМ во реакција на прес-конференција на Цветан Трипуновски од ВМРО-ДПМНЕ.
Од СДСМ додаваат:
„Од Белата палата лажат за наводен извоз и реекспорт, бидејќи на сила е забрана за пченица и наполица, јачмен, пченка, брашно од пченица и наполица, семе на сончоглед и сончогледово масло.
Граѓаните да бидат спокојни, пченица има доволно, снабдувањето е во најдобар ред, а домашното производство е значително зголемено.
Благодарение на успешните земјоделски политики на СДСМ во изминатите пет години домашното производство на пченица е зголемено за над 50.000 тони.
Во 2017 година, домашното прозиводство на пченица било 195.888 тони, а во 2021 година изнесувало 253.674 тони.
Дополнителна помош и поддршка на домашното земјоделство во време на криза обезбедува Интервентниот фонд за земјоделство во вредност од 250 милиони денари, наменети главно за сточарство и производство на житни култури, но и за субвенционирање на набавката на вештачки ѓубрива и зелена нафта.
Додека СДСМ се грижи за граѓаните и презема мерки за непречено снабдување и ублажување на ценовниот шок, ВМРО-ДПМНЕ шири дезинформации, и предизвикува вознемиреност во јавноста“.
