Блокада за Ѓоковиќ, УС Опен нема да бара изземање
Српскиот тенисер Новак Ѓоковиќ нема да добие ослободување од вакцинација за овогодинешниот УС Опен.
Последниот текст на „Њујорк тајмс“ потврди дека Ѓоковиќ во овој момент нема право да влезе во САД.
Toj веќе ги пропушти мастерсите во Индијан Велс и Мајами бидејќи не можеше да пристапи на територијата на САД, а тоа би можело да се повтори на крајот од сезоната.
Според тамошниот закон, Новак е наведен како „невакциниран странец“ и затоа не смее да влезе, што може да биде заобиколено со посебно ослободување.
Сепак, Тениската асоцијација на САД (USTA), под чие покровителство е УС Опен, нема да бара изземање од владата за Ѓоковиќ, објави „NYT“.
„Ќе ги следиме прописите на владата и ЦДЦ“, рече извршниот директор на USTA, Лу Шер.
Новак Ѓоковиќ годинава, покрај споменатите турнири во САД, не можеше да ги одбрани бодовите на Австралија опен бидејќи беше депортиран, а правото на истото му беше одземено и на Вимблдон поради одлуката на АТП да го казни тоа турнир.
Српскиот тенисер брани 1.200 поени освоени лани со поразот во финалето од Данило Медведев на УС Опен.
