Нови напади на Харков и Николаев
Од
Објавено на
Рано утринава се слушнале експлозии во Харков и Николаев, соопштија градоначалниците на овие украински градови Игор Терехов и Олександар Сенкевиќ.
Терехов изјавил дека руските сили нападнале три области на Харков, пренесува Униан.
„Погодена е станбена зграда, како и инфраструктурен објект. Таму избувна пожар“, напиша Терехов на Телеграм.
Едно лице загина во ракетните напади на руските сили утринава врз украинскиот град Харков, соопшти регионалната служба за итни случаи. Нападите биле извршени во три окрузи, а после тоа имало уште пожари, пренесува Интерфакс Украина. Се додава дека е зафатена зградата на еден од универзитетите, хангар на приватна фирма и куќа.
