Фрапантна пресметка на „А1он“: Шест региони во Скопје крадат струја колку што се троши и плаќа во Охрид, Прилеп и Гевгелија
Околу 50 милиони евра е загубата на електрична енергија на годишно ниво, како последица на кражби со нелегани приклучоци. Од ЕВН за „А1он“ велат најпроблематични региони се Арачиново, Грчец, Сарај, Крушопек, Сингелиќ, Серава и Студеничани. Во просек, годишно во државата, преку ЕВН, околу 5% од испорачана електричната енергија се презема неовластено, односно се краде. 5% се околу 300.000 MWh.
„А1он“ направи пресметка, во која ако се земе дека едно семејство во просек на еден месец троши 500 KWh (киловат саати) струја, тоа би значело дека на годишно ниво тоа е 6.000 киловати. Ако 300.000 MWh (мегават саати) кои се крадат во Македонија, се поделат 6.000 киловати, може да се види дека со ова количество на струја на годишно ниво се снабдуваат 50.000 семејства. Доколку во просек, едно семејство го сочинуваат минимум три лица, тогаш, 50.000 семејства ќе преставуваат бројка од 150.000 жители. Со ова, се доаѓа до заклучок дека загубите на струја кои ги има ЕВН поради кражби се еднакви како потрошувачката во три градови со големина на Охрид, Прилеп и Гевгелија.
